அடுத்த பதிவு நூறாவது பதிவு

என் அடுத்த பதிவு நூறாவது பதிவு! நன்றிகள்.



ஆதரவு கொடுத்த நெஞ்சங்களுக்கு கோடானகோடி வலைதள வாசகர்க்கு அனேக நமஸ்காரங்கள்.

என்னை எழுத தூண்டிய நண்பர்களுக்கு, குறிப்பாக விஜய், ரமேஷ், சரவணன், ரவி மற்றும் பலர், மிக்க நன்றிகள்! அப்புறம் அடிக்கடி வந்து கமன்ட் போட்ட அனைவருக்கும் மிக்க நன்றிகள்.

பரவாயில்லை கிட்டத்தட்ட நான் நூறு பதிவுகள் ஒரு ஆறு மாதத்தில் எழுதிட்டேன்!

ஆறாயிரம் முறை எனது ப்ளாக் இது வரை படிக்கப்பட்டு இருக்குங்க.

நல்ல விஷயம் தான்!

சைட்

விக்னேஷ்வரி பதிவில் ஒரு கமன்ட் போட்டேன்.... சைட் பத்தி எல்லாம் எழுதியிருந்தாங்க...

//
என்னங்க ஆம்பிள பையன் மாதிரி சைட் பத்தி எல்லாம் பேசறீங்க... :-)

அச்சம் , மடம் மற்றும் நாணம் எல்லாம் எங்கே...

ஒ எல்லாத்தயும் பாத்துட்டீங்களா?

:-)

அப்புறம் காலேஜிலே தட்டு தடுமாறி எப்படியோ பர்ஸ்ட் கிளாஸ் வாங்கியாச்சு!
//

அப்புறம் அதுக்கு கோபமா ( எனக்கு தெரியலையேப்பா!) ஒரு பதிலும் போட்டிருந்தாங்க.

***

நான் தான் எப்படியோ.... அடிச்சு பிடிச்சு படிச்சு... அப்புறம் காலேஜிலே தட்டு தடுமாறி எப்படியோ பர்ஸ்ட் கிளாஸ் வாங்கியாச்சு!

என் வாழ்க்கையிலே சைட் வம்பே இல்லீங்க! கோவைலே காலேஜு ரொம்ப ரொம்ப ஸ்ட்ரிக்ட். எனக்கு தெரிஞ்சு லேபிலே பொண்ணுங்களோடு பேசின (கடலை) ஆளுங்க எல்லாம் லேபிலே "கப்" கொடுத்தாங்க!

தப்பி தவறி "உன்னை கொல்ல வேண்டும்" அப்படின்னு ஒரு கதை, வாழ்க்கையிலே முதன் முதலில், எழுதிட்டேன். யாருக்கும் பிடிச்சிருக்காது! அந்த உரையாடல் போட்டிலே, நான் ரூ.1500/- ஜெயுச்சிட்டால், அழுதிருவேன்!

ஆயிரம் பேர் ( அதுக்கும் மேலே )அந்த கதை மட்டும் விசிட் பன்ன்யிருக்காங்க, ஸ்டேட்கவுண்டேர் சொல்லுது!

மைகேல் ஜேக்சன் மரணம்

உலகின் மிக பிரபலமான மைகேல் ஜேக்சன் நேற்று மரணம அடைந்தார். அவருக்கு வயது 50. சில நாட்களாக நோய் வாய்ப்படிருந்தது, நீங்கள் அறிந்ததே. அவரின் நிற வெறி ( வெள்ளையாக ) உலகின் நகைப்புக்கு ஆளானது.

மைகேல் ஜேக்சன் மரணம் அடைந்தாலும் அவர் எல்லோர் நெஞ்சிலும் இருப்பார்.

சில வருடங்களுக்கு முன், அவர் முஸ்லிமாக மதம் மாறினார்.




அந்த மூன் வாக்கை யார் மறக்க முடியும்!

உலகின் ஒரு நடனப்புயல், மைகேல் ஜேக்சன் தான்!

இந்திய சினிமாவில், எத்தனை பேர் தான் அதை காப்பி செய்திருப்பார்கள்?

***

இன்று தமிழ் விஜய் டிவியில் "யார் அடுத்த பிரபு தேவா!" ( இந்தியாவின் மைகேல் ஜேக்சன் ) நிகழ்ச்சி நேரடி ஒளிபரப்பு என்பது குறிப்பிடத்தக்கது!

தூரம் கொஞ்சம் தான்

நாங்கள் வேலை செய்யும் ஆபிஸ் இருப்பது கொஞ்சம் தூரம் தான்.

ஆம்ஸ்டேர்டம்....

ஹோட்டலில் இருந்து நேற்று சாயந்திரம், ஒரு சிறு வீட்டிற்கு இடம் மாறினோம். பெனுலக்ச்பான் என்ற இடம். பென்ஸ் என்கிறார்கள். அப்பாடா கொஞ்சம் இடம் உள்ளது... முதல் மாடி வீடு. வேலை இடத்திற்கு செல்ல ( 5.5 km ) என்ன பஸ் பிடிக்க வேண்டும், தினமும். பக்கத்தில் ஸ்டோர் இருப்பதால் எல்லாம் கிடைக்கிறது.... இந்தியர்கள், பாகிஸ்தானியர்கள், அரபிகள் இந்த ஏரியாவில் இருக்கிறார்கள்.

முதலில் அரிசி வாங்கி, சமைத்து.... தயிர் ஊறுகாய் வைத்து சாப்பிட்டோம்! வெளியே விலை மிகவும் அதிகம். இங்கு லன்ச் என்பது ஸ்னேக் மாதிரி, கொஞ்சமா சாப்பிடுகிறார்கள். ஒரு சாண்ட்விச் தான்! அப்புறம் நொறுக்ஸ்.... ஜூஸ். அது நமக்கு கட்டுபடி ( பில்லிங்.. ) ஆகாது. விலையும் கூட!

இங்கு மெயின் ஏரியாவில், கேசரி கொடுக்கிறார்கள் ஹரே ராம ஹரே கிருஷ்ணா ஆட்கள். டொனேசன் கட்டாயம் கேட்கிறார்கள். எல்லாம் போதையில் அருகில் படுத்து கிடக்கிறார்கள்.

போலீஸ சைக்கிளில் செல்கிறார்கள். இங்கு தொழில் டூரிசம், செக்ஸ் விற்பனை.. ட்ரக்ஸ் பற்றி யாரும் கண்டுக்கொள்வதில்லை. விற்றால் தான் கேசாம். அடித்தால் தவறில்லை என்றார் லோகல் ஒருவர்!

கிரிகெட் பற்றி கொஞ்சம் தெரிந்துள்ளது இங்குள்ளவர்களுக்கு. ஹாலந்து டீம், டி-௨0 வேர்ல்ட் கப்பில் ஆடியதை கவனிக்கிறார்கள். இந்திய தோற்றத்தை பார்த்து உச்சு கொட்டுகிறார்கள். ஒன்று கவனித்தேன், பூட்பால் மாதிரி கிரிக்கெட் மீது இங்கு மோகம் இல்லை. இங்க்லேண்டிலும் அப்படித்தானாம்!

சனி ஞாயிறு லண்டன் செல்லலாம் என்றால், இங்கு வந்த விசா செல்லாது. செங்கண் விசா லண்டனுக்கு பயன்படாது. ஆனாலும் அவர்கள் யுரோ உனியனில்... கண்செலேட்டை கொஞ்சம் நேரம் முன் அழைத்துப்பார்த்தேன், ஒரு இந்தியர் தான் பேசினார். இந்தியாவில் தான் விசா வாங்க வேண்டும் என்றார். ( என்ன கொடுமை இது? )

அறை மணி நேரம் ப்ளைட் தான் இங்கிருந்து. அதற்கு போக, இந்தியா ( பத்து மணி நேரம் ) சென்று விசா வாங்குவதா?

நானும் ரவியும், இந்த ஏரியாவை, வெள்ளி இரவு முதல் திங்கள் காலை வரை சல்லடை போட்டு, ஊர் சுற்ற முடிவு செய்துள்ளோம்.

நேற்றிரவு, கடைக்கு ( மால் ) போன சமயம், சில ஸ்ரீலங்கன்சை பார்த்தேன்! ஹோட்டல் தவிர எட்டு மணிக்கு எல்லாம் மூடிவிடுகிறார்கள், சட்டமாம்!

ஆமாம், ஒரு இந்தியனை பார்த்தால், இன்னொருவர் ஏன் முகம் திருப்பி செல்கிறார்கள்? ( என் வேலையை கெடுக்க இன்னொருவன் இங்கு வந்துவிட்டான் என்றா? )

****

வீடு இரண்டு பெட்ரூம், இரண்டு டாய்லேட் ( அது ஒரு வித்தியாசம், இங்கு! ). ஒரு வாரம் ஹோட்டல் சார்ஜிர்க்கு, ஒரு மாதம் வீடு! ;-)

அம்ச்டேல்வீன் என்ற இடத்தில் இருக்கும், ஆபிசிலிருந்து, சுமார், பதினைந்து நிமிடத்தில் ... பெனுலக்ச்பான். மிஸ்சிசிப்பி என்ற தெரு... கூகிள் மேப்சிலும் வருது... தூரம் கொஞ்சம் தான்



View Larger Map

ஆம்ஸ்டேர்டம் வந்தாச்சு

,நேற்று காலை மும்பையில் விசா வாங்கிவிட்டு, நண்பர் ரவியோடு ஹாஜி அலி தீவிற்கு சென்றேன். பிறகு ரேய்மொண்ட்ஸ் கடை தேடி நரிமன் பாயின்ட் ஏறிய அருகில் எனது பட்ஜெட்டில் சூட் வாங்கினோம்.

மதியம் ஹோட்டலிலே சாப்பாடு. கொஞ்சம் ரெஸ்ட். பாஸ்போர்ட் ட்ராவல் எஜன்ட் ஐந்து மணிக்கு வாங்கி வருகிறேன் என்று சொன்னதால், வெயிட் செய்தோம். கூடவே, ப்ளைட் டிக்கட்டும் ( கே.எல்.எம் அதிகாலை 1 மணி ) ஆளுக்கு இருநூறு டாலரும் கொண்டு தருவதாக ஏற்பாடு. பாஸ் பில் செட்டில் செய்துவிடுவார்!

ஆள் சுமார் ஆறு மணிக்கு தான் வந்தார். எங்கேயும் செல்ல முடியவில்லை. அதுவரை இமெயில் மற்றும் லக்கேஜ் இரு முறை செக் செய்தோம். இருபது கிலோ லிமிட் என்பதால், ஆளுக்கு நான்கு பிஸ்கட் பேக்கட் மட்டும் தான் அதிகம் எடுத்து சென்றோம்.

ஏர்போர்டில் கோட்டுக்கள் மாட்டிக்கொண்டு தான் சென்றோம், வெயிட் குறையும்... நல்ல வேலை, யாரும் எங்களை தமாசாக பார்க்கவில்லை. ஒரு மரியாதையை தான் கண்டோம். ப்ளைட்டும் கோட்டை வங்கி இறங்கும் முன் திருப்பி தந்தார்கள், பணிபெண்கள் ( இந்தியர்? )...

*****

மும்பை இண்டர்நேசனல் ஏர்போர்ட்டில் எல்லோரும் மாஸ்க் போட்டு வேலை செய்துக்கொண்டு இருக்கிறார்கள். கவர்ன்மன்ட்டும் வெளிநாடு போகாதே என்கிறார்கள்.

வேறு என்ன செய்வது, வேலை!

*****

ப்ளைட்டில் மூன்று நன்கு மணி நேரம் தூக்கம். அவ்வளவு தான். இரண்டு முறை நல்ல சாப்பாடு மற்றும், ப்ரேக்பாஸ்ட் தந்தார்கள். சில நேரம் தமிங்கலத்தில் இந்த போஸ்ட் டயிப் செய்துக்கொண்டு இருந்தேன். சில மெயில்களும், எங்கள் ப்ராஜக்ட் விஷயங்கள் குறித்து கொஞ்சம் அப்டேட்டும் ஜரூராக நடந்தது.

ஏழு மணிக்கு ப்ளைட் இறங்கியது. ஆம்ஸ்டேர்டம் அவ்வளவு சுத்தம் இல்லை! சில நிமிட தூரத்தில் தான் ஹோட்டல். இங்கே விசா செக்கிங் போன்றவை, பாஸ்போர்ட்டில் ஒரு சீல் தான்! இனி யுரோபில் எங்கு வேண்டுமானாலும் செல்லலாம்.

ஊருக்கு கால் செய்தோம். மேட்ரிக்ஸ் மொபையில் எடுத்து வந்தேன். லோகல் காலிங் கார்டு தேட வேண்டும். ரூமில் இன்டர்நெட் ப்ரீ என்பதால், ஸ்கைப் பொன் வேலை செய்தால், தினமும் ஊருக்கு பேசலாம். ட்ரை செய்ய வேண்டும்.

இப்போது மிகுந்த களைப்பு. கொஞ்சம் ரெஸ்ட் எடுத்துவிட்டு, லோகல் டைம் பன்னிரண்டு மணிக்கு க்ளையண்ட் ஆபீஸில் ஆஜர் ஆக வேண்டும். நடக்கும் தூரம் தான்.

நாளை முதல் காலை எட்டு மணிக்கெல்லாம் அங்கு வேளையில் இருக்க வேண்டும்! :-) சனி ஞாயிறு மட்டும் லோகல் இடங்களை பார்க்கணும்.

வேலையை பொறுத்து இரண்டு அல்லது மூன்று வாரத்தில் நான் கிளம்பிவிடுவேன். ரவிக்கு அடுத்த வாரத்திற்குள் குறைவான ரெண்ட்டில் ஒரு ரூம் எடுத்து தர வேண்டும். அவர் விசா முடியும் செப்டம்பர் 12 அன்று தான் கிளம்புவார்.

மும்பை மேரி ஜான்

அழகான மும்பை. இது ஒரு சுகானுபவம். நிறைய முறை வந்திருக்கிறேன். இது தான் முதல் தடவை, பீச்சுக்கு போய்விட்டு, நன்றாக பார்க்கும் சாட் எல்லாம் அடித்துவிட்டு, எட்டு மணிக்கு சிறு டின்னர் சாப்பிட்டுவிட்டு, இப்போ கம்ப்யுட்டர் முன்...

முதலில் திண்டுக்கல்லில் இருந்து மதுரைக்கு ஒரு டாக்சி வைத்துக்கொண்டு, நானும் அம்மாவும் தம்பியும், காலையில் அக்கா வீட்டிற்க்கு வந்து விட்டோம். அம்மாவும், தம்பியும் இரவு வீடு திரும்புவார்கள்.

**********

நாளை காலை விசாவிற்கு எழு மணிக்கு க்யு நிற்க வேண்டும். எஜன்ட் வருவான், இருந்தாலும், அங்கு முதல் 25 ஆளாக இருக்க வேண்டும். ஆறு மணிக்கே எழுந்து கிளம்ப வேண்டும்.

மழை வரலாம். குடை கையில்! நாளை மதியம், விசா ஒக்கேவானவுடன், சூட் வாங்கிவிடுவேன்.

**********

இதை "டாவின்சி கோட் ஸ்புப்" படித்தவுடன், சிரிப்பு தாங்கவில்லை.

சிலர் திருந்தமாட்டார்கள்!

**********

சென்னை வழியாக மும்பை வந்திறங்கினேன். வந்தவுடன், நண்பருடன் பீச். வெகு அருகில். நண்பர் ரவி, மதியம் இங்கு வந்துவிட்டதால், ஹோட்டல் சீவின்ட் அருகில் என்னவெல்லாம் கிடைக்கிறது என்று பார்த்துவிட்டார். பிரபலமான கவர்மென்ட் ஆஸ்பத்திரி ( நானாவதி? ) இங்கு உள்ளது.

;-)

அம்மாவிற்கு பிடித்த நிகழ்ச்சி

ஜெயா டிவியில் அம்மாவிற்கு பிடித்த நிகழ்ச்சி ஒன்று இருக்கிறது. திங்கள் முதல் வெள்ளி வரை நேருக்கு நேர், மதியம் 12 மணிக்கு.

ஜெயா டிவியில் ”நம்ம” பத்தி..

இன்றைய நிகழ்ச்சியில் ப்ளாக்கர்கள் - ப்ளாக் உலகம் பற்றி திரு கேபிள் சங்கர் அவர்கள், பேசியதை அம்மா கேட்டிருக்கிறார்கள். நல்ல விஷயம் போலிருக்கு என்று சொன்னார்கள்.

வாழ்த்துக்கள்!

*****************

அம்மா இரண்டு வாரங்களாக இங்கு தான் இருக்கிறார். ஜூன் 5, வெள்ளி இரவு வந்தார். அவர் இங்கு இருப்பதால், ஹோட்டல் உணவுக்கு டாடா ...அதனால், நானும் சரவணனும் வீட்டிற்கு மதியம் சாப்பிட டானென்று ஒன்றேகாலுக்கு நிற்போம். இரண்டு மணிக்கு மீண்டும் வேலை... வீடு நடக்கும் தூரம் தான்!

இந்த வெள்ளி இரவு அம்மாவை ஊரில் கொண்டு சென்று விட்டு விட்டு... அப்படியே யுரோப் பயணம். தம்பிக்கு எம்.பி.ஏ பரீட்சை... அம்மா இருந்தால் தான், சைபர் கேபெவை சில மணி நேரம் பார்த்துக்கொள்ள முடியும்!

ஞாயிறு மதுரை வழியாக, சென்னை சென்று, இரவு மும்பையில் தங்கி, திங்கள் விசா வாங்கிக்கொண்டு, அன்றிரவே அம்ஸ்டேர்டேம் பயணம். சில வாரங்கள் அங்கு இருப்பேன். பெங்களூரிலிருந்து ஒரு ப்ராஜக்ட் லீட் கூட வருகிறார், ஞாயிறு மதியம் அவர் கிளம்பி, என்னோடு அவர் ஹோட்டலில் தங்கி இருப்பார்.

இருபது கிலோ எடை தான் லக்கேஜ் எடுத்து செல்ல முடியும். அதனால் எனக்கு பிரச்சனை இல்லை. மும்பையில் ஒரு புது சூட்டு வாங்க வேண்டும். ஐடியா கொடுங்கள். ( பாஸ் ரூ. 5000/- மட்டும் கொடுப்பார் )...

(அந்த இன்சூரன்ஸ் பெய்மன்ட் கேட்வே ப்ராஜக்ட் வேலை, அதனால் தான் தினமும் பதிவுகள் பக்கம் கண்ணில் படவில்லை! )

***************

அம்ஸ்டேர்டேம் பற்றி நிறைய கதைகள் சொல்லி இருக்கிறார்கள். இது தான் முதல் முறை செல்கிறேன். வெஸ்டில் துபாயோடு சரி, ஈஸ்டில் ஆஸ்ட்ரேலியா. இன்னும் லண்டன், யு.எஸ்.ஏ, கேனடா, மற்றும் கிழக்கு அமெரிக்க நாடுகள் பாக்கி.